Ruddi balance blue

jæja vegna komandi harðinda frá móður náttúru verð ég að koma með smá blogg svona öðru hverju til að láta fólk vita af því að... já að ég er allavega á lífi annað en þetta krummaskuð sem við þykjumst búa í. en nóg um það. undanfarna daga og jújú þetta er svosem ekkert að byrja fyrst núna þetta hefur verið lengi í gangi... en allavega undanfarna daga hefur maður verið að heyra í fólki á djamminu sem þykist vera voða hart og cool að segja öllum að þeir séu dauðir ef þér "messist" eithvað uppá þá því að þeir þekki sko þennan og þennan og þennan og þeir þekkja fólk sem þekkir fólk sem þekkir fólk sem lemur fólk og ég þekki gaur sem er sko handrukkari og bla bla bla... ég hef verið að pæla hvort það sé ekki alveg eins gott að labba að öllum og segja " HEY!!! ÉG ER SKO MEÐ SVOOOOOOONA (sína viðkomandi stærð með handabili)STÓRAN TITTLING. svo til að vera sure að enginn messist uppá mann.. glatað finnst ykkur ekki því eins og einn góður vinur minn sagði "það er aðeins eitt sem er verra en dópisti... það er að vera wannabe dópisti. en nóg um þetta raus. mér langar hins vegar að koma öðru á framfæri hérna sem ég hef líka verið að spá mikið og vandlega í seinustu daga og það hefur verið að angra mig í heilla sellunum svo að ég spyr þjóðina. Vill einhver vera svo vinsamlegur að fræða mig um ástæður þess að á Íslandi þrífast ennþá bændur? Til hvers í daunmylguðum déskotanum að hafa þetta taðtyggjandi hyski hokrandi í sínum líttmáluðu, illa girtu hreysum fyrir augum heiðvirðs fólks þegar það ekur um land sitt? Það er ekkert rómó við það. Ekkert fagurt, ekkert gott. Ekki neitt! (eða það telur allavega bæjarstjórn dalvíkurbæjar hvað framdalinn varðar) Einhverskyns misskilningur virðist uppi um að þessi daunillu náttröll sem teppa þjóðvegi landsins með sundurryðguðum traktorum sínum og beita óseðjandi skepnum sínum á hvern óafgirtan kvist sem hættir sér upp úr hrjóstrugri moldinni - þjóni einhverjum tilgangi. Jafnvel sé þetta skellepjandi pakk svo mikilvægt afkomu og heill þjóðarinnar að það beri að styrkja með opinberu fé. Fyrr má nú forheimskan vera. Hví að vernda þessa lopaklæddu steingervinga með himinháum innflutningstollum. Hvað í táfýldum takkaskóm er verið að vernda? (alveg talað útúr hjarta bæjarstjórnarinnar á dalvík...aftur)

Segið mér sanntrúaðir: Hefur einhver ykkar bragðað allar heimsins rollur og borið saman? Eru norskar kindur eitthvað verri á bragðið? – eða þær áströlsku? Mér er það til efs. Rolla er rolla - og bragðast næstum nákvæmlega eins og rolla - hvort svo sem hún er í sveit sett á Honólúlú eða í Hrunamannahreppi. Og rollum, jafnt sem nautgripum, hænsfuglum, svínum, má slátra hvar sem er og skófla hingað í frystigámum - tilbúnum til átu. Það sama á raunar við um ýmsar aðrar gómsætar skepnur sem ekki fá þrifist hér við heimskautið, en ekki fást innfluttar hingað nema gegn okurverði - þá helst niðursoðnar. Sumir eru einnig haldnir þeim ókennilegu ranghugmyndum að bændur hafi eitthvað með allar fínu innpökkuðu landbúnaðarvörurnar í búðarhillunum að gera. Onei. Þeirra eina, dapurlega hlutskipti er að halda líftórunni nógu lengi í sínum aumu skepnum að réttlætanlegt sé að slátra þeim. Svo skríða þeir aftur ofan í sófan og ráðgera næstu sníkjur. til hvers að gefa þeim heitt vatn eða almennilegt símasamband svo ekki sé talað um að fá í það minnsta adsl!! Hvers kyns skyrbúðinga, ísmeti og osta má allt eins vinna hér úr danskri kúamjólk, franskri - eða norður-kóreskri ef því er að skipta. Henni má hæglega fleyta í þúslítravís yfir hafið. Og svo má auðvitað líka bara fá þetta hingað tilbúið. Það væri hreint ekki verra. Hvernig væri að láta á það reyna, tolla og haftafrítt, hvort íslenskur grámygluostur geti með góðu móti keppt við senegalskan antílópuís á frjálsum markaði? Málið er að við höfum ekkert með bændur að gera. Höfum aldrei haft. Útlendingar eru hér sem víðar ágætur mælikvaðri, því þeir vilja ekkert fá frá okkur sem þeir hafa sjálfir – betra. Útlendingar vilja fiskinn okkar, peingana okkar, jafnvel tónlistina okkar. Ekki gúllasið okkar.

Já, þessir voluðu vesalings bændur.

Það á að smala þessu flórliggjandi blóðsjúgandi hyski öllu saman og skikka það í alvöru vinnu. Til að mynda við uppgræðslu og endurheimt landsins sem það er svo samviskusamlega búið að búið að berstrípa, framræsa og þúfuslétta gegnum aldirnar. Og ef einhver vill endilega halda skepnur, til skemmtunar ellegar slátrunar, þá er alger óþarfi að sólunda fögrum högum landsins í viðlíka hégóma – það má hæglega gera t.d. í kirkjubrekkuni eða stórhól og þá án allra styrkja – og bænda.

ég veit ekki en ég held að ég hafi fallið í trans og andi svanfríðar bæjarstýru hafi komið í mig... og skrifað þetta niður.. en það er nákvæmlega sem hún og hennar undir menn huxa... og það sérstaklega um innrihluta svarfaðardals því það er bara eithvað pakk sem er greinilega ekki nógu merkilegt fyrir aðra þannig að það er best að skilja það bara útundan og láta það sjá um sig sjálft..

hafiði það

undirritaður 

Arnór Gunnarsson þjóðsagnaskáld